الحكاية تبدأ من أول ما كنا عاملين بالأجر في المدارس الحكومي حيث كنا نعمل بتعاقد موسمي ( فترة الدراسة فقط ) بأجر يتراوح بين 95 / 115 جنيه شهريا والله مش بهرج دي حقيقة المهم في سنة 2005/2006 صدر قرار وزاري ابن حلال بيقول ان العاملين بالاجر لهم مكافاة امتحانات لانهم عملوا بالمدارس لاكثر من ست شهور وبصراحة كان خبر جميل جدا اسعد كل العاملين وادارات كتير جدا صرفت المكافاة بالفعل من وقتها لكن ادارة البدرشين التعليمية ما زال لديها هذا الكلام مجرد خبر ليس اكثر ولا اقل وعندما نطالب بها لا نجد من يرد حتي السؤال علينا واكثر من عشر مرات تهم الادارة بالصرف ولكنها تتوقف دون ابداء اسباب واضحة لذلك نحن الان العام الدراسي 2009 /2010 يعني لو كنت عايزة اروح للدكتور من المكافاة دي يبقي زماني مت من زمان احنا اكتر من 1000 شخص ليهم المكافاة دي يا ريت حد ابن حلال يوصل صوتنا للمسئولين ويقولوا هناخد المكافاة دي أسوة بالزملاء اللي صرفوا ولا عشان قدرنا خلانا في ادارة البدرشين التعليمية يبقي ربنا يعوض علينا واكيد شكرا بلسان اكتر من 1000 شخص لو نشرت لنا الكلام دا