لمين الشكوي مش عارف انا كنت ايام الاعدادية باشتغل مع ابويا وعلمني صناعة تفصيل الستائر وبيع المفروشات بقالي فيهم 20 سنة ومرت الايام وخطبت واتجوزت وفتحت بيت وعندي دلوقتي طفلتان . الحقيقة انا بقيت اخاف امشي او اخرخ مراتي وبناتي لان الحياة في الشارع زبالة حتي لبس العياد بشترية بسرعة علشان اخلص ونروح بامان وبسرعة وبيتي اشكر ربي كويس لكن ايجاري عالي بالرغم انة في مكان بسيط والكهرباء والمياة والتليفون والنت والدكتور والصيدلي والمدارس و اعمال صيانة البيت وغيرهم كتير وانا باشتغل من خلال تليفون المحمول لاني اتجرات 4 مرات وفتحت مشغل صغير بالرغم اني التوب في صنعتي الا اني كنت باقفلة بعد عدة شهور لعدم قدرتي طبعا علي دفع ايجارة و دلوقتي انا باشتغل يوم اة و30 لاء بقيت حتي لو معايا فلوس اتكسف حد يشوفني وانا قاعد في البيت علي طول وحاولت ادور علي شغل لاقيت هاجيب نصف المبلغ وكمان هيروح مني اليوم كلة . الحقيقة انا عايز اسافر لاوروبا او اهاجر لامريكا ولا كندا علشان مستقبل كويس لي ولعيالي وعايز انسي اني غلطت واتجوزت وكمان عملت مصيبة كبيرة لن يغفرها لي الذمن خلفت بنتين زي القمر ساعات اتجراء واجيب لمراتي حاجة ذهب لكن للاسف قبل شهر بتكون اتباعت طب اعمل اية وانا خبرتي 20 سنة وعايز مستقبل وحياة وناس واقارب و دراسة ووطن واحسن لي ولاسرتي نحس بالامان من حيث الدخل والتعليم والمواصلات والصحة دا حتي انا معنديش معاش يعني لو جرالي حاجة عيالي هيشحتو انا جوايا كتير ومش عايز اطول عليكم بس حد يقولي لو مكاني هيعمل اية ولو حد يقدر يساعدني علي السفر ولا الهجره برة مصر والدول العربية يقولي . اشكركم وبلاش تتجوز الا لو لنت موظف في الحكومي حتي لو مرتبك 100 جنية بس. توقيع/الجاني اللي تهمتة انة اتجوز وخلف وحب مراتة وبناتة.