انا اسماء طالبه بالفرقه الثانيه بكليه الحاسبات والمعلومات بجامعه عين شمس انا مغتربه من البحيرة مركز المحموديه مشكلتى ان انا وبنات كتير زيي محتاجين اوى لمدينه او لمكان امن نسكن فيه خلال العام الدراسي والمدينه كل اما نروح نسال فيها يقولو فوتو علينا بكرة انا واحدة من البنات بتخرج من البيت من بعد ازان الفجر عشان الحق المحاضرات بتاعتى مع العلم انى مش بقدر احضر محاضراتى الي ف معاد بدري زى الساعه 8 مثلا نظرا لظروف السفر ومواعيدة دة غير ان المواصلات زحمه اوى والمدينه قالولينا انهم مش هيسكنونا غير متاخر اوى ممكن علي بدايه شهر 11 وبكدة يكون فاتنا المنهج كله وكمان بتكون راحت علينا السنه ولو حصل وفضلنا نسافر كدة كل يوم ونروح ونيجي عمرنا مهنحصل اي شيئ واحدة بتخرج من بيتها 5 الفجر وترجعه من السفر بعد اخر محاضرة ليها الساعه 12 باليل تفتكرو هلحق اصحى عشان اروح جامعتى اليوم الي بعدة ودة من غير حتى مزاكرة ومن غير ماعرف ايه الي اخدته اليوم الي قبله حرام احنا محتاجين حد يقف جمبنا ويساعدنا حد يكون ليه كلمه مسموعه احنا صوتنا صغير اوى محدش بيسمعه او مش راضيين يسمعوة ساعدونا رجاءا