انا ببعت النهارده ومش عارفه الكلام ده هيوصل الاستاذ محمود سعد ولا لاء لكن عندي امل انه يوصله ويهتم بالموضوع انا صديقه لاحدي المعلمات باداره وسط القاهره التعليميه وقد طلب مني ان اناشد حضرتك عن لسان كثير من المدرسين اللذين يعملو بهذه الاداره.

 وهذه الاداره بصراحه تتعسف في تطبيق القوانين علي كل من يعمل بها في التربيه والتعليم هناك الكثير والكثير لاطرحه من مشاكل نعانيها ولكن بدايه احب ابدا بموضوع انفلونزا الخنازير العمليه غير منظمه اطلاقا حيث ان الميزانيه الخاصه بمدارس اداره وسط القاهره يتم توزيعها بناء علي رغبات شخصيه ولا يوجد عدل في توزيعها علي المدارس يعني مثلا هناك مدارس صرفت 1000 وهناك مدارس صرفت 2000 وهناك الكارثه مدرسه صرفت 100 جنيه وعجبي بجد المدرسه دي بلغني عنها انها اساسا غير موجوده بخطه اهتمام الاداره وباللفظ كده اتقال لمديره المدرسه لما بتطلب بتجهيز المدرسه لتصدي انفلونزا الخنازير ايه يا استاذه انتي فاكره مدرستك دي مدرسه بصراحه انا سمعت الكلام ده واندهشت هل هناك مدرسه تستحق ومدرسه لا تستحق في ظل هذه الظروف وتقوم مديره هذه المدرسه بلانفاق من جيبها الخاص علي المدرسه وطبعامدارس اداره وسط كلها بتعاني من تعسف مدير عام حيث انها تقوم بالخصم للمدرسين بسبب وبدون سبب حيث انهااثناء تصحيح نصف واخر العام تجبر المدرسين علي التواجد لساعه متاخره من اليل رغم انهم يكونو قد انتهو من مهامهم في التصحيح الا ان هناك ساعه معينه ينتظر حتي الخروج وتكون ساعه متاخره من الليل وتقوم بنقل المدرسين بسبب وبدون سبب حيث بلغني ان احد المدرسين تم نقله في السنه مرتين و3 وبصراحه وبعيد عن المدير العام التعليم لا يطلق عليه الا انه باظ بعد نظام التقويم الشامل والحقيبه وملف التلميذ والاداءات التي اصبحت علي عاتق المعلم وخصوصا في الكثافات الكبيره حيث اصبح دور المعلم يتلخص في انه تحول الي كاتب طول الوقت بيكتب طب هيشرح امتي للتلاميذولما ينتبه للشرح ويغفل شويه عن كتابه الملفات ياخد جزا رغم انه مشغول في تعليم التلميذ الا ان رؤساءه يقولون الكتابه اهم خلص الاول الاوراق اصبح التعليم مجرد ورق في ورق وفعلا باظ التعليم وروتينيات تعجز البشر فين التعليم زمان كان المعلم طول الوقت يشرح ويعلم الكتابه والقراءه ولكن الان تحول الي كاتب وبكره المدرس ينقرض ويعتمد الطلبه علي الحاسب الالي والتعليم عن بعد وينقرض صاحب الرساله المقدسه هيبه المعلم ضاعت خلاص يا استاذي وتقول ايه عن مدير عام يجبر المدرسين علي المجموعات بنسبه معينه ولو قلت يبقي المدرس يتقال عليه حرامي افرض مدرس مش جشع ومش بيجبر التلاميذ علي المجموعات يبقي ايه اخرته يتجازي من تقرير مالي واداري عشان موردش النسبه اللي الاداره محدداها وطبعا ده ودي مش رسمي يعني مش بيتكتب في اوراق وعندك طلبات النقل اللي بتتاخد من المدرسين وتترمي حتي مبيتبصش فيه والتنقل التعسفي بدون وجه حق يصحي المدرس يروح شغله يقولوله صباح الخير انت اتنقلت المدير العام عايزه كده والكثير والكثير وطبعا اتنشر عن المدير العام دي مؤخرا موضوع في الاهرام وكانت فعلا مذنبه فيه وابتدو يصحو لغلطاتها لكن للاسف عشان هي ست حافظه اللوائح كويس عرفت تخرج نفسها منها وتلبسها لواحده تحت ايدها يا سبحات الله بجد مدرسين اداره وسط بيعانو شديد المعاناه بجد اغيثونا وارحمونا من هذه الافعي ارجو برد قاطع لموضوع حل ميزانيه انفلونزا الخنازير حيث ان هناك احدي المدارس لن تستطيع الايفاء بمتطلبات الوقايه وشكرا جزيلا