انقذونا من الضياع

انقذونا من الضياع

الإسم :
الدولة : مصر
الإيميل :
التليفون :

تاريخ إرسال الشكوي :
Saturday 15th of December 2007 10:39:13 AM
الموضوع :
السيد الاستاذ معتز الدمرداش تحيه طيبة وبعد ارجوك اقراء هذه الرسالة القصيرة وانقذونا من الضياع انا من مدينة بنها محافظة القليوبية اريد ان اوضح لكم موضوع مهم يقع فيه 80 فى المئة من الشباب الحاصلين على الدبلومات الفنية وانا واحد منهم انا شاب حاصل على دبلوم صناعى واريد العمل مثل اى انسان طبيعى وتقدمت لعدة وظائف ولكن الاسباب المعروفة لا تسمح بالعمل واريد ان اساعد والدى اللى بالمعاش ومعاشه مش مقضينا انا لا اطمع فى الزواج ولكن اطمع ان اعيش وبعد المعاناه فى البحث عن عمل لقيت شركة تطلب شباب للعمل من الجنسين مثل اى اعلان موجود فى القاهرة الكبرى والمحافظات وبالفعل تقدمت لصاحب العمل الذى رحب بى بشدة لانى فريسة جديدة وقالى الشغل عايز حماس ومجهود الشغل هو مندوب مبيعات ليس امامى الا الموافقة لمساعدة ابى واخواتى البنات وان اشيل على الاقل حملى من على ابويا بس وبعدين قالى انت لازم توقع على البضاعة اللى تاخدها علشان اضمن حقى قولت عادى من حقة وهى مرة بعد ماوزعت البضاعة وهى عبارة عن اطقم كوبيات لا يتعدى سعر البضاعة 100 جنية رجعت له وقولت له انا بعتهم خد فلوسك وهات الوصل قالى انا تخلصت منه خلاص وبعد العمل عنده لمده ثلاثة شهور بدون راتب قولت له انا عايز مرتبى والا حسيب الشغل قالى مفيش مرتب ومش حتمشى بعد ذلك ظهر الوصل ومكتوب بجانب البضاعة اللى ثمنها 100 جنية لاقيته كاتب 20000الف جنية عشرون الف جنية ورفع قضية بالوصل بالرغم ان قيمة البضاعة لا تتعدى الــ 100 جنية وبعد ذلك فوجئت انه رافع مثل هذه القضية على شباب كتير ومنهم من اتحبس فعلا ومنهم من كان يساومه يدفع كام ويتنازل واللى مايقدرشى يدفع بيتحبس وعلى فكرة الحكم فى قضيتى يوم 30-12- 2007 ويعالم ايه اللى حيحصل اتمنى منكم التدخل باى وسيلة هذه الشركة اسمها شركة الفرسان و يديرها النصاب محمد امام خليفة وهو مش من مدينة بنها هو من دمنهور وجاى يكمل على بنها وعلى فكرة هو كل شهرين يغير اسم الشركة ليتهرب من الضرائب وينصب على الحكومة والشباب اللى اتحبس على ايده لا يمكن عدهم واصبح منهم الان الحرامية لانهم اخطلتو فى السجن بناس تانية خالص انقذونا من هذا النصاب ووصلوا صوتنا للمسئولين واكسبو فى الشباب دى اكبر صواب وربنا حيجازيكم خير عننا واحد عايز يعيش وبس

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 779