انا مواطن مصري وحط تحتيها الف خط ابلغ من العمر 28 عاما تعرضت لحادث قطار من حوالي سبع سنين عام 2003 المهم اصبت ببتر لساقي اليسرى بكاملها اثر عليا الحادث طبعا نفسيا ومعنويا وماديا باسلوب قاسي جدا كنت بشتغل في التسويق لحسابي الشخصي ولما حصلت الحدثة توقفت عن العمل لاني كنت بشوف نظرات غريبة من الناس بحس فيها بنوع من الاهانة المهم مشكلتي تتلخص في الاتي جاني محامي محترم وقلي ليك تعويض قلت ماشي اهو هينفع اعمل مشروع ولا اي مصلحة نجيب منها مستلزمات العيشة المهم عملت توكيل قضائي واسنيت المحامي لما يرد علي طبعا لقيت مماطلة شديدة والدين متراكمة عليا بسبب مصاريف العلاج المهم بعد فترة رد وقال الاتي في نوعين من التعويض نوع ودي ونوع بالمحكمة المهم الودي احصل فيه على مبلغعشرة الاف جنيهوالمحكمة ستين الف جنيه حد ادنى طبعا بعد المماطلة بتاعت المحامي ظنيت انو نصاب عشانهوا كان عارف الكلام دة من بدري من خمس شهور المهم عرفت ان فيه حاجة اسمها مجمعة التامينات للسكة الحديد رحت ولقيت كلامو صح الغريب ان المجمعة مبعتتش اي رسالة للتعويض دا غير ان المحامي كان عارف كل حاجة قبل كدا المهم خفت من النصب وقبلت الحل الودي لان المحامي كان كاتب عقد بربع قيمة التعويض جاني تلفون من المجمعة في اخر الفترة من المحاسبة اللي هناك او السكرتيرة وقالتلي انت هتدي المحامي اثنا عشر الف جنيهونصف من التعويض عرفت ان المجمعة كمان فيها نصب المهم استلمت العشرة الاف واديت المحامي الربع عشان ميشتكنيش بالعقد استغربت بعد كدا ان واحد صوباع رجلو الكبير اتقطع في حدثة قطار برضو خد45000جنيه وواحد رجلو انكسرت حادث اتوبيس نقل عام خد 60000تعويض ولما المركب السلام غرقت اللي طلع منها عايش وسليم جدا مفهوش حاجة خد30000جنيه قال ايه تعويض نفسي وانا قاعد لحد النهاردة بدفع ديون تجاوزت 50000ومنها محكوم علية بالسجن وانا معوق وطبعا مش بشتغل قولولي اعمل ايه يزيد الطينة بلة اختي اصيبت بسرطان الرئة واستاصلت الرئة الشمال وخفت الحمد لله بس عليا ديون متلتلة وعندي اثباتات طبعا الاحكام اللي انا هربان منها انا مقتلتش ولا نهبت انا عالجت نفسي واختي واسمي عليا ديون وكمان مطلوب للحكم بالسجن مقابل ايصالات امانة اين الانصاف اين العدالة الآدمية انا معوق واسم مواطن مصري متهيقلي لو حدثتي دي حصلت في اي بلد تاني كنت خدت تعويض لائق كان كفا مصاريف العلاج وعملي حتى كشك اشتغل فيه هتقولولي مدورتش ليه على شغل هقول دورت لما حفيت رجلي وقدمت في المسابقات وفي الوزارات والقطاع الخاص وفي الاخر لم يصيبك الدور يا ابني لدرجة اني اتمنيت الموت عن اني اعيش كدا عمال اسمع شعارات عن الحرية عايز اتحرر من اللي انا فيه من الديون عشان اعيش نضيف انا مش بطلب رغد الحياة لا انا عايز اعيش حر نفسي انا ليلة واحدة من غير ما اخاف ان ي اتمسك انا بسمع كمان مش عارف مين من الممثلين سفروا برة على حساب الدولة وصرفولو كاممليون واللي سفرو المانيا حتى الجهاز التعويضي الوزارة قالت مفيش غير خمس الاف جنيه والجهاز اللي يخلليني شكلي محترم المستورد ثمنو اكتر من خمسة عشرالاف جنيه اجيب الفرق منين اتطر طبعا اقبل المصنع محليا ثقيل الوزن اللي عمللي تقرحات جامدة مكان العملية خلاني كرهت نفسي ماهلنيش للحركة لا دا زود اعاقتي اين الانصاف اين حقوقي كمعوق لم يكن معوق عندي خبرات كثيرة في البيع وتصليح الكمبيوتر ووكذا حرفة بس محدش عايز في غيري طبعا افضل مني شكلا وحركة اولى كيف تراني بلدي اكيد حد ملوش اي قيمة خايف اقول ادور على جنسية تانية لاتفهم غلط لكن انا بحب مصر وعايز اعيش مواطن محترم اما الديون دي حصلت نتيجة مضاعفات المرضوالعمليات وكان لازم اعيش مش عارف اقول ايه بس هفضل كداولا كمان اخش السجن اذا كنت مسجون طبيعي هتسجن دنيا كمان احلامي انتهت انا حتى بنام مبحلمش اسف على اسلوب كلامي