|
¤ قبل أن ترسل همومك
¤ ماذا يمكنك ان تفعل ؟
¤ قضايا و هموم عامة
¤ قائمة الدول العربية
¤ شكاوي تم الرد عليها
|
¤ المسيحيين ¤ الشيعة ¤ البدون ¤ الأمازيغ ¤ البهائيين ¤ المرأة ¤ الطفل ¤ أخرى |
بيان إطلاق موقع هموم
موقع هموم بعد مرور عامين
موقع حقوقي عربي تطوعي يجذب عشرة ملايين زائر سنويا
الشكاوى والموضوعات المنشورة على الموقع لا تعبر عن وجهة نظر الشبكة العربية لمعلومات حقوق الإنسان ، وهي منسوبة فقط لمن أرسلها . |
مواقع تابعة للشبكة العربية
|
اجور المحليات الإسم : الدولة : مصر الإيميل : التليفون : تاريخ إرسال الشكوي : Monday 18th of January 2010 03:44:31 PM الموضوع : انا موظف بالمحليات ومرتباتنا هى ادنى مرتبات فى الدولة واعمل منذ اكثر من 25 عاما مؤهلات عليا ومرتبى لايتجاوز 1200جنيها شهريا ولى اولاد بالجامعة والثانوية العامة وزوجتى ليست موظف ومستأجر سكن وعيشتنا تحت الصفر والفارق بين مرتبى ومرتب زميل لى فى جهة اخرى يذيد اضعاف واضعاف فلماذا هذا الفارق الشديد فى المرتبات فهل نحن مش بنى ادمين فقد خلق هذا الحقد الطبقى وعدم الاستقرار وخلافة فياريت تنظروا الينا وتنصفونا وسيحاسبكم الله
رد 1 الإسم : الدولة : مصر الإيميل :[email protected] التليفون : - تاريخ إرسال الرد : Wednesday 15th of September 2010 12:24:02 PM عنوان الموضوع : دمياط هل ترغب في زكر معلوماتك الشخصية : نعم الرد : موظف طماع للشاعر المصري / رشاد هويدي ( شاعر الوادي ) استكمالا لمسلسل المحليات في الأرض وبعد قصيدة المحليات خارج الحسابات أتقدم بهذا النداء إلى السيد رئيس الجمهورية والسيد رئيس مجلس الوزراء والسيد وزير الدولة للتنمية المحلية والسيد وزير المالية والسيد وزير الدولة للتنمية الإدارية والسيد رئيس الجهاز المركزي للتنظيم والإدارة أن يتم إعادة النظر في مرتبات موظفي المحليات والجهاز الإداري للدولة وتقليل الفرق الشاسع غير المبرر بين مرتباتهم ومرتبات باقي الجهات والنظر إلى موظفي الجهاز الإداري للدولة على أنهم لا يريدون فقط إلا أن يحيون حياة كريمة وحق موظف المحليات أن يتساوى بزميله في المالية وغيرها ولا ذنب لموظفي المحليات أنهم يعملون في جهات خدمية فهم وزملاؤهم مصريون يعملون في وظيفة عامة يحكمهم قانون واحد وموازنة واحدة والفرق بين مرتباتهم ما بين السماء والأرض . إنني فقط أريد النظر إلى موظفي المحليات بعين الرحمة . وأنا أعلم أن موظف المحليات والجهاز الإداري للدولة موظف طماع بيحلم يعيش !! موظف طماع للشاعر المصري / رشاد هويدي شاعر الوادي @@@@@@@@ ابني اللي في تانية حضانة قال نفسي في اللحمة يا بابا ضربت دماغي وقلت آه يانا وكمان صابني شعور بكآبة أصلي موظف دخلي صغيّر وعندي تلاتة رب يخلي واللي يدوخ واللي يحيّر إني موظف حكم محلي !! كل الناس بتزيد في دخولها وأنا ثابت دايما في محلي !! عشت الدنيا بعرض وطولها ومرارها بالصبر باحلي وان زدنا تزيد الأسعار والناتج تحصيل للحاصل بنزيد ملاليم والأخبار تفضحنا فضايح بجلاجل !! وتقول زاد راتبك يا موظف اتحزم وارقص صبّاحي !! لكن لو عاوز تتعرف على وضعي وتعيش في جراحي هاحكــي وبعقلك تسمعني وتحكم قلبـــك وضميرك وكمان من حقك تراجعني وتوضح بحيــــاد تفسيرك أنــا راتبي ميّة وخمسين جنيه مصري مش استرليني لو خبرا كمان دوليين يقولوا لي ازاي هيكفيني ؟! مش عاوز حافز وعلاوة يا أسيادنا أنا عاوز أعيش ما أفطرش جاتوه ولا بقلاوة فطّرني لـــو ملح وعيش واتغدى لـــو كـل يومين واتعشى لا ما اتعشاش وطقم كمان في السنتين من أرخص وأقل قماش وجزمة لـــو نعلها داب أعمل لها نعل واتنين والبسها بــدون أي شراب أهو حتى عشان أخزي العين !! واروح الشغل كمان ماشي دا حتى المشي رياضة اتناشر كيلــو ما يجراشي يوميــــا وهتصبح عــادة وشقة صغيرة تتاويني لو أوضة واحدة وحمام لا صالون ولا مطبخ ولا صيني والسفرة إسراف وحرام وبلاش غسالة وبوتاجاز وكمان مش عاوز تلاجة هنوفر أنابيب الغـــــاز وطبيعي ما بيتبقاش حاجة !! ولا راديو ولا تليفزيون علشان بيضيعوا أوقاتنا ونشوف ميت شكل ولون يتعكر بها صفو حياتنا والمكواة كمان إيه لازمتها وهنعمــل إيه بالخلاط ؟! والمروحة نبعــــد دوشتها وبلاش سخان ولا شفاط ولا داعي كمان للدواليب وكفاية المسمار شماعة !! لو اتعب ليه أروح لطبيب إيه يعني أما اتحمل ساعة ؟! واوفر كشف ومصاريف وعلاج وأشعة وتحاليل وانا لما يكون جسمي ضعيف اتقوى بشربة من النيل وهاصوم تلات أرباع عمري لاجل أبقى خفيف وعلى كيفي وهاحاول إني أموت بدري وأوفر أكلي ومصاريفي !! ************************************* رشاد هويدي شاعر الوادي هل لديك اقتراح بخصوص هذه الشكوى ؟ أرسل لنا وساهم في إنصاف صاحبها . |