لمن نلجأ؟؟؟؟؟؟؟؟ اسمي رانيا مدرسة بمدرسة ابتدائي في مركز بلقاس محافظة الدقهلية بنظام التعاقد مخطوبة لشاب منذ ست سنوات كان يعمل في شركة ادوية مندوب بيع ولكن حصلت له حادثة في ساقه اليمني واجري فيها عمليتين جراحيتين وحمدنا ربنا انها جت علي كده ولكن فصل من هذه الوظيفة لانها لم تعد مناسبة لظروفه ومن يومها واي وظيفة يقدم فيها ولكن لظروف الواسطة والمحسوبية يتم رفضه. وأخر المطاف قدم في وظيفة تبع وزارة الري - مصلحة الميكانيكا والكهرباء – قسم الحاسب ونظم المعلومات – وكانت الوظيفة المتقدم لها مدخل بيانات وبالفعل قدم ورقه والشهادات وعقدوا امتحان في شهر سبتمبر 2008 للمتقدمين وامتحن وحصل علي اعلي النسب بين كل المتقدمين ووعدوه انهم في خلال شهر سيتم استلام العمل بالعقد في مصلحة الميكانيكا والكهرباء بمركز بلقاس. وظننا ان الامور اتحلت وفرجت واستنينا شهر ورا شهر وكل شهر نسأل ويقولولنا الشهر الجاي وعدي دلوقتي اكتر من سنة وكلامهم دلوقتي مرة مافيش ميزانية ومرة يقولوا فيه ميزانية وكل مراكز الجمهورية تم التعينات فيها واستلموا العمل الا مركز بلقاس لانه مش طلبوا تعينات واحنا مستنيين يطلبوا تعينات هنسلمكم فورا العقود. نروح بلقاس نسأل المسئولين هنا في بلقاس يقولوا احنا عاوزين موظفين وفيه عجز واجهزة الكمبيوتر موجودة والمكان موجود وباعتنا فاكسات كتير للقسم الرئيس مردش علينا والقسم الرئيسي في مصر هو اللي مش بعت لما يبعت اسمائكم هنعملكم استلام عمل علطول واحنا محتارين بين الاتنين ومبطلناش لف بينهم ومحدش عاوز يعرفنا فيه ايه ولا ناويين يدخلوا فيها الواسطة والمحسوبية وليه يعشمونا من الاول. كل الابواب اتقفلت ادامنا واحترنا نعمل ايه ومخطوبين بقالنا ست سنين ومش عارفين نتجوز علشان ظروف شغله مش عاوزين غير وظيفة ولو بعقد ولو بمائة جنية في الشهر ومرتبي علي مرتبه وهنعيش انشالله اسمه/ تامر أنس الوجود البدوي محمد مؤهله/بكالوريوس خدمة اجتماعية مايو2002 العنوان/ محافظة الدقهلية- مركز بلقاس- شارع الشونة بجوار مخبز الفاروق ت/0105652193 الوظيفة اللي مقدم لها/ وزارة الري- مصلحة الميكانيكا والكهرباء- قسم الحاسب ونظم المعلومات وظيفة مدخل بيانات.