السلام عليكم اسمى اشرف عبدالوهاب عندى 43 سنة خريج معهد المطرية الصناعى (فوق المتوسط) دفعة 1987 وانهيت جيشى على اكمل وجه ومشيت رسمى جدا جدا جدا وقدمت فى القوى العاملة زى الناس المحترمة بس زيادة حبتين قدمت اربع مرات على سنين مختلفة والمضحك انى ما جاليش رد حتى بالرفض لغاية دلوقت وطبعا سن التعينات راح والحمد لله وطبعا باخبط فى شغلانات كتير زيى زى اى حد واهى ماشية بالزق والحمدلله ولكن من اقل حقوقى فى الوطن انى التحق بالنقابة التابع لها المعهد اللى مخرجنى رحت اقدم فيه اول ما اتخرجت(بعد الجيش طبعا)وكان الرد(لما تشتغل ابقى تعالى قدم)طب يا جماعة الخير النقابة دى تبع الدولة(نقابة التطبيقيين)وهى هى نفس الدولة ما ازنتليش بالشغل طب بالله عليكم اذا كان لى عمر ووصلت لسن لا يحتمل العمل اصرف معاش منين؟ ولما امرض زى اى انسان اشحت فلوس الدواء؟ والا اختصر السكة ومن دلوقت انام فى تربة؟؟ والله ما عندى تمنها كل اللى بارجوه ان كان فى حد ابن حلال ربنا يجعله سبب فى انه يقوللى على حل يلحقنى بالنقابة المذكوره وعندى استعداد الملم اى مستحقات سابقة تطلبها النقابة الا شهادة باننى اعمل لانى ما زلت بدون عمل ثابت بالله عليكم حد يدينى حل ارجوكم ارجوكم ارجوكم وربنا يفكها على الكل----يارب