السلام عليكم ورحمة الله وبركاته أنا أم مواطنه وعندي الحمدلله اربع عيال وعيالي من مواليد دولة الامارات وماحصلوا الجنسيه لانه ابوهم لا يحمل اوراق ثبوتيه قبل في اماره ام القيوين كانوا يصرفون البطاقه الصحيه باسم الام المواطنه للعيال ع انهم مواطنين وكنا الحمدلله مرتاحين من مصاريف العلاج الحين البطايق انتهت ومايجددونها واللي عندها عيال يعانون من امراض مزمنه مثل السكر وغيره ولدي الكبير عنده السكر وهو لازمه علاج كل شهر وعلاجات مثل هذي في المستشفيات الخاص يكون غالي واحنا ناس ع قد حالنا وبنتي بعد عندها مرض في نظرها ولازمها علاج ومن غير عمليات العيون اللي سوتها من قبل وفوقهم عملية فتاك ولا يسجلونهم في جنسيتي عشان اقدر اجدد بطاقاتهم الصحيه وبصراحه محتاره شو اسوي وما اقدر اعلاجهم في عيادات خاصه ومعاش الشؤون2200 مايسوون شي في هالغلاء مالقيت حل غير اني اطرش هالرساله علا وعسى توصل لسموك وتشوف حل لابناء المواطنات اللي مثل حالتي واحنا مالنا غير الله وانتوا يا حكامنا الله يطول في اعماركم ويخليكم زخر لنا ولبلادنا الغاليه الامارات