والله ما فى احسن من بلادكم

والله ما فى احسن من بلادكم

الإسم :
الدولة : مصر
الإيميل : [email protected]
التليفون : 0121055989
تاريخ إرسال الشكوي :
Friday 25th of January 2008 06:08:00 PM
هل ترغب في زكر معلوماتك الشخصية : نعم
طبيعة الموضوع : رسالة

الموضوع :
السلام عليكم ورحمة الله وبركاته صدقونى ياايها الشباب العربى الاصيل والله الغربه مفيش اصعب منها فى الدنيا والله ما فى احسن من بلادكم انتوا ما تعرفوش ايه الا بيحصل للشباب العربى فى الخارج وانتوا فاكرين ان السفر للدول الاوربيه يحل المشكله لال والله والف لا دول بيعملوا فيهم كل شيئ مش كويس وبيهينوا كل العرب وبيطلعوا البلاء على دماغهم ابحثوا عن فرص عمل فى بلادكوا واناان شاء الله خير مثال اقرواحكايتى احنا اسرة مكونه من عشر افراد وكمان عايشين فى الفلاحين وكانا كلنا فى مراحل التعليم المختلفه وكمان كان والدى ووالدتى بيشتغلوا علينا علشان يقدروا يدخلونا المدارس والدى الله يرحمه صمم انه يعلمنا كلنا وفعلا علمنا هو معظمنا مؤهل متوسط لاكن فيه واحد منا معهد فنى تجارى والتانى كلية لغه عربيه بس الحمد لله كل واحد فينا شق طريقه بنفسه واعتمد على الله ودور على شغلانه على فكره والله ما كان عندنا ولا قيراط ملك ولا فيه واحد مننا سافراى دوله غير البيت الا احنا قاعدين فيه لكن دلوقتى الحمد لله مع العلم ان والدى رحمه الله اتوفى وساب بعض مننا فى مراحل التعليم لكن كله اتعلم وتمام وكله اشتغل وخمسه مننا اتجوزوا وكمان خلفوا وانا دلوقتى بشتغل مشرف امن المدن الجديده فيها شغل كتير جدا والله فيه شغل كتير تقلى انا عاوز نضمن مستقبلى هو انتا ضامن تعيش اساسا وكمان انا شريك فى سنترال وعلىفكره انا دخلى اتحسن جدا وانا سنى26سنه والله اعتمدوا على الله وربنا هيسهل لكم الحال ان شاء الله كافحوا انتوا مفكرين ان السفر هو الحل لا طبعا نسيت ولدى فضل مريض 10 سنوات يعنى احنا ما عملناش اى حاجه وهو عايش غير شويه مننا كانوا خلصوا مدارس بس وكان ساكنين فى بيت اى كلام خالص وكان لماالشتاء ييجى كان سقف البيت بينقع علينا واحنا نايمن وكنت تصحى من عز النوم تبص تلاقى الشتاء نازل فوق دماغك هو اساس كان فيه عندنا كهرباء فى البيت كناعايشين من غيرها على اللمبه الجازيعنى اظن مفيش عيشه اصعب من كده بس والله كانت اجمل ايام حياتناوكنا حاسين بمعنى البيت والعيله يعنى مفيش حد ييئس من حياته ويقول انا هموت نفسى لوما سفرتش من البلد دى مهما تسافر لو رحت اخر النيا برده ترجع فى الاخر لبلدك وتعرف كمان ان ناس بلدك اجدع واحسن ناس فى الدنيادور وابحث عن شغل فى بلدك وان شاء الله ربنا يكرم على كفره انا بدور دلوقتى على بنت الا الحلال يعنى عاوز اجوز والحمد لله وربنا يكرمنى ببنت الحلال الا تعيش معايا ونكمل حياتنا مع بعض انا واخواتى اتفقنا ان والدتى تروح تعمل عمره فى رمضان الا جاى ان شاء الله وربنا يخليهلنا والسلام عليكم ورحمه الله وبركاته وارجوا من مديرىالموقع جزاهم الله خيرا نشر هذه الرساله للشباب على موقعهم الموبجل ولهم من كل الاحترام والشكر

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 742