حادث ادى لكسور

حادث ادى لكسور

الإسم :
الدولة : مصر
الإيميل : [email protected]
التليفون : 0118433773
تاريخ إرسال الشكوي :
Sunday 27th of January 2008 03:29:50 PM
هل ترغب في زكر معلوماتك الشخصية : نعم
طبيعة الموضوع : شكوي

الموضوع :
انا عملت حادثة في الطريق الصحراوى من 10 شهور بالتحديد يوم الجمعة 16/3/2007 الساعة التاسعة صباحا في الكيلو 170 قرب بوابة القاهرة و انا من اهل الاسكندرية.. يوم الجمعة صباحا الساعة الثامنة توجهت انا و والدتى الى محطة سيدي جابر لركوب القطار....... ملقتش حجز ..... كنت مضطرة اركب الميكروباص الجديد المكيف بصراحة خدعة من اما محطة سيدي جابر على شارع ابو قير و بدات القصة من هنا ركبت انا و ماما الساعة الثامنة السواق شكله مش طبيعي بيتكلم بعصبية جامدة ( يقول محدش يفتح الشباك و الا الستاير و اللي يسألكوا قولوا دي رحلة و الناس مستغربة منه حاسين انه مش طبيعي) اول ما حمل و طلع عطا رشوة للجنة المرور اللي واقفةلان ده مش موقفهم و بصراحة انا ركبته انا و والدتى لاننا كنا مضطرين لان الموقف كله حتى الاتوبيسات في محرم بيه ) المهم طلع الساعة الثامنة و ربع من سيدي جابر كنت قاعدة في الصف القبل الاخير جنب الشباك من النحية الشمال و جانبى والدتى و جنبها سيدة لكن مش كبيرة في السن المهم بعد فترة بصيت في الساعة لقيتها تسعة الا ربع بصيت من الشباك لقيت نفسي عن السوب ماستر يعنى اكتر من 120 كيلو في نص ساعة بصراحة قولت اكيد ساعتى خرفت و شوية والدتى قالتلى تعالى مكانى عشان عايزة انام شوية اتنقلت مكانها فعلا بدأت تنام و بالظبط ربع ساعة حسيت انه بيطير مش سايق و فجأة ظهر اتوبيس رحلات ادامه بالعرض 28 راكب لونه ابيض في اخضر كان بيلف من ملف بس واخده على واسع اوى و طبعا هو طاير لا عرف يفرمل ولا ياخد شماله دخل فيه اتصدم بيه و اتقلب و الاتوبيس كمان اتقلب و شوية لقيت نفسي جوا العربية و مقلوبة و بنزف من انفى و بصرخ على امى لقيتها تحت منى فاقدة النطق بصرخ مش بترد عليا جاتلى حالة شبهة هستيرية شوية لقيت في واحد بيكسر زجاج العربية برجله و بيطلعوناو مفيش كلمة بقولها غير ماما ماما و اول ما شوفت السما اتشاهدت اكتشفت اني رجلة اتكسرت و كان تحت منى متنية خالص و ايدي مكسورة اعملت الاسعافات الاولية بعد ما اطمنت على والدتى طبعا الحمد لله و نزلت على اسكندرية لاستكمال العلاج نزلت على مستشفى مبرة العصافرة تحت اشراف دكتور العظام (هشام غنيم او هشام فتحى غنيم) الكسر في عضمة الفخد الايسر كسرين و في رسغة اليد اليمنى ثلاث كسور دخلت العمليات وركبت مسمار نخاعى تشابكى في رجلى و واير في ايدي الحمد لله ايدي خفت بعد ست اسابيع و رجلى ما زالت في العلاج.... بعد اربع شهور عملت عملية تانية و شلت مسمار فوق ركبتى كان عامل الم بشع و بعد تسع شهور العضم لم يلتأم عملت عملية تالتة مع دكتور مصطفى سعد في مبرة العصافرة رقعت العضم و ركبت جهاز تثبيت خارجى لمده ست اشهر فات شهر و نص و العضم مش بيلتأم و الدكتور بعد العملية دي قالى انه النخاع في صديد بسبب تلوث المسمار النخاعى في اول عملية و ما زال الصيديد بيطلع من رجلى لانه مظهرش في تحاليل ولا مزرعة دمو دلوقتى عملت مزرعة دم تانية و مستنية النتيجة) بالله عليك نفسي افهم هو دلوقتى كده خلاص مفيش دكتور يعرف شغله كويس ولا عارف بيعمل ايه انا بقالى دلوقتى 10 شهور و نص مش بمشي غير بعكاذ و دلوقتى حالتى اصعب لان الجهاز المتركب ده اولا تقيل في وزنه و لازم اتحرك بيه و اضغط و مش عارفة البس هدوم......... نسيت اذكرلك ان عندي 27 سنة انا اقدر ابعتلك صور توضح كلامى ده كلهسواء اشعات او عمليات او تركيب جهاز او مسمار اسفة ان كنت طولت في كلامى ارجوا الرد

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 2395