هل هذا يرضى الله ويرضى الوالد الملك عبدالله ابن عبد العزيز ملك المملكة العربية السعودية

هل هذا يرضى الله ويرضى الوالد الملك عبدالله ابن عبد العزيز ملك المملكة العربية السعودية

الإسم :
الدولة : السعودية
الإيميل :
التليفون :

تاريخ إرسال الشكوي :
Wednesday 30th of January 2008 02:07:18 PM
الموضوع :
السلام عليكم ورحمة الله وبركاته الوالد الفاضل الملك عبدالله ابن عبد العزيز ملك المملكة العربية السعودية انا عشت فى السعودية من سنة 1993 الى سنة 2002 والحمد لله رب العالمين لم ارتكب اى اخطاء نهائى كنت حسن السير والسلوك طول فترة غربتى ودائما اؤمن بالمثل الزى يقول 0 ياغريب كن اديب 0 وفى السنة الاخيرة ومعى زوجتى وابنى وفى اخر شهور فى السنة اتفقت مع كفيلى على اترك العمل عنده بالتراضى لم يكن بيننا الا كل خير وكنت اعمل عنده مندوب مبيعات ناجح وحين ان الراتب مع العمولة اصبحوا لا يكفوا مصروفاتى انا وزوجتى وابنى فى السعودية ولا ارسالى لاهلى فى مصر فلوس يعنى اللى جاى على اد اللى رايح بشتغل وبناكل وبس لا نوفر شىء ولا فيه مقدرة على نوفر قرش ولا حتى نرسل فلوس للاهل ولا نقدر ان نلبى اى طلب لاى فرد من الاسر ة يطلبه منا وبخا صة وانا كبير اخواتى وكلنا نعيش تحت سقف واحد غير منقسمين فى من هنا اتفقت مع الكفيل على ان اترك العمل وابحث عن عمل يكون فيه زيادة فى الدخل حتى لا تحسب علية غربة والسلام وعندما احصل على عمل انقل كفالتى وكنت علاقتى بكفيلى علاقة ممتازة لانه ابن ناس طيبين ولا ياخر لى طلب انا وكل المجموعة اللى شغالة عنده فى المؤسسةولكن لحكم ظروفى التى كانت تعانى من ان الدخل اقل من المصروف وانى اخاف الله سبحانه وتعالى من اى قرش حرام تفهم الكفيل الوضع بالتراضى وبدات فى تصفية حساباتى مع العملاء وجائنى مندوب جديد علمته كيفية البيع والشراء وكيفية الاسلوب المحترم الزى يجعل العميل على احترامنا فى تمثيل مؤساساتنا واقتناع العميل بالمنتج الزى نسوقه علما باننى من مؤسسين المصنع الزى كان لاحد يعرفه ولا يعرف منتجه فى وسط مصانع عملاقة لها اسم عريق منذ سنين فى المملكة وبفضل الله سبحانه وتعالى اولا انا واثنين من زملائى كنا اول المؤسسين فى المصنع الزى له الان اسم عريق فى منتجه وينا فس افخم المصانع القديمة عنه ومنتشر الان فى كل انحاء المملكة بفروعه ومندوبينه الفضل لله ثم لنا فى الاول كنا لانعرف طعم الراحة حتى عملنا اولا على تغطية الريا ض بالكامل ومن ثم انا بجوار شغلى فى الريا ض فتحت سوق كبير فى الدما م وبعدين بانا فى خطة التوسع فى باقى المملكة وماشاء الله نجح المصنع واصبح له ادارة كبيرة والتوفيق من عند الله لان صاحب المصنع يستاهل فعلا النجاح لانه شخص مجتهد وناجح وكان فى الصباح حضورنافى المصنع الساعة 8 صباحا كنا نجده قبلنا هناك بس للاسف الشديد كل شىء كان ناجح الا الرواتب كانت كما هى ومن هنا تم الاتفاق على تركى العمل وتعليم مندوب جديد وتصفية حساباتى مع العملاء وتسليم المندوب الجديد العملاء ومتابعتهم وبعد مرحلة التصفية النهائية اثبت باننى مديون للكافيل بمبلغ 11 الف ريال عليه ولا يحق لى استلام الجواز الا بعد التسديد احصل على جواز سفرى وانقل كفالتى و اتفقنا على ذالك وليس بيننا الا كل شىء طيب انا وكفيلى اهدانى الله سبحانه وتعالى الى عمل خاص والى كفيل سعودى اخر طيب جدا بس كانت ظروفه المادية تعبانة مفيش مقومات مادية تساعدينى على تحقيق ما فى راسى علما بانى والحمد لله دماغى شغالة واقدر افكر وانفذ مشاريع ناجحه جدا بس كان ينقصنى مقومات مادية فلجات للاقتراض من بعض اصدقائى مبالغ مادية كبيرة لفترة واسددها وربنا سبحانه وتعالى يسر لى حالى وامرى وبدات فى تفيذ شىء من اللى اقدر على عمله ومكسب سريع حتى اقدر على ان اسدد ما اقترضته وعلى تسديد المبلغ الزى كان بينى وبين كافيلى 11 الف ريال وعلى ان اعيش انا وبيتى واحصل على جواز سفرى وعلى خطاب نقل كفالة انقل به على الكفيل الجديد الزى كانت ظروفه اصعب من ظروفى على ان اعطيه نسبه من الرزق اللى ربنا يرزقنا به وكانت الامور متيسرة بفضل الله وبحسن النواية اعطانى الكفيل الجديدكل اوراق الموسسة الخاصة به وبدات فى تجديد المؤسسة ودفع اشتراك الغرفة التجارية واستجار مكتب للمؤسسة وفرشه وعمل لوحة لاستخراج رخصة للمؤسسة والحمد لله بدات العمل واشتغل معى 8 مندوبين على ان تتم لهم نقل الكفالة وبعدين انا معهم حتى لا نخالف قوانين المملكة ونكون غير نظامين وفتحها الله علينا انا والكفيل الجديد من وسع دخل لنا خيرات ماشاء الله كتير وبات فى تسديد بعض القروض اولا حتى يتم الوضع الصحيح ويصبح راس المال صافى لنا ونكون نظاميين واشتريت سيارة لتوصيل المندوبين واستاجرت لهم بيت وفرشته لهم من كافة كل شىء وكان راتب كل واحدفيهم 6 الاف ريال غير العمولة غير الايجارات والبضاعة وكنت فى خير احسد نفسى عليه وفى نفس الاسبوع الزى كان ميعادى فيه مع كافيلى الاول عشان اعطيه 11الف واحصل على جوازسفرى وعلى خطاب نقل بناءا على ميعادى معه واوفى معه بكلامى وانقل كفالات كل اللى معاية على الكفيل الجديد حتى نلتزم بقوانين المملكة ونكون نظامين بعد مرحلة البناء الزى انعم الله به علينا فى اقل وقت 0 وجائت المصيبة هى وان مش انا اللى كنت بحسد نفسى على ما نا فيه من خير لا اصحاب القلوب الضعيفة المليئة بالحقد والحسد الزي فحت له بيتى وقلبى ووقفت معه فى ازماته هو وزوجته واستضفته عندى هو وزوجته شهر ووفرت لهم كل سبل الراحة وساعدته على العمل فى الرياض ووفرت له السكن فى نفس الحى وعمرى ماتاخرت عنه فى شىء يعلم الله ان كان كلامى هذا صح ولا فيه اى شىء من المبالغة زهب الى كفيلى الاول وقال له تعالى وشوف الخير اللى انا فيه وللاسف الشديد كفيلى الزى كنت دائما بعتبره نموذج مميز فى تفكيره لم يسمح لنفسه بان يقبل ما انا فيه من نجاح علما باننى لم اعمل فى اى مجال يشبه المجال الزى كنت اشتغل فيه عنده حتى لا قدر الله ان اضره بشىء ابدا بس كانت المشكلة اللى عنده ازاى انا لما اسيبه انجح وخاف بان المندوبين عنده يعرفوا نجاحى ويقلدونى بعد شوية يظهر له مندوب ويقول له عاوز انقل كفالة وعمله يحصل فيه ضرر هذا ما كان تفكيره على الفور ذهب مع هذا الشخص المصرى ليرى ما اعطانى الله فى ايام قليلة ليقطع ارزاق ويخرب بيوت كل من كان يعمل فى هذا العمل وعندما راى الكفيل الاول ما نحن فيه لم يعطى لنسفه فرصة بان يتبين اى شى على الفور استغل سلطة اخوه ضابط شرطة وكتب فية مزكرة للجوازات بانى هارب منه وبعمل لحسابى وانى بضر بمصلحة المملكة المملكة التى حبيت كل شبر من ارضها المملكة التى عشت فيها بكل احترامى لها ولاهلها الطيبين والله العظيم الى الان ونا على الدوام احلم بكل لحظة عشتها فيها على ارضها الطاهرة فى المنام يمكن فى الاسبوع مرة او مرتيين احلم انى عايش فيها طبيعى لانى عشت فيها احلى ايام عمرى انا وزوجتى واولادى اصبحت السنين اللى عشتها فيها جزء من حياتى مش قادر انساه الى الان 0 المهم قامت حملة من الجوازات بناءا على المزكرة المكتوبة فيه بالتفتيش على مطابقة اسم الكفيل صاحب العمل مع اسم الكفيل فى الاقامة التى كنا سوف نعدلها فى نفس الاسبوع وهو على دراية بذالك لكن لم يسعفنا الوقت لوجودمثل هذة النماذج المصرية التى لا تحب الخير لبعضها وضعف قوة ايمان الكفيل بانى اكون ناجح وقبضت الجوازات على واحد مننا علما باننى كنت نقلت لخمسة مننا كفالة على الكفيل الجديد وكان باقى انا وثلاثة بس كما قولت كان الوقت ضيق جدا وعندما ذهبت للترحيلات التى فيها الاخ الزى مسكته الجوازات واحضرنا جوازه من كفيله عشان ننقل كفالته على الكفيل الجديد طلبوا مننا فى الترحيلات دفع مبلغ 2000 ريال رسوم نقل كفالته واحضار الوصل وبعدين يخرج ونستلمه وانا على الفور انا والكفيل الجديد ثانى يوم من بدرى ذهبنا الى البنك ودفعت المبلغ 2000 ريال وكنت بجرى بسرعة قبل انتهاء الدوام عشان نستلم الاخ المقبوض عليه وانا جالس انا والكفيل فى مكتب الضابط فوق اخذ منى اقامتى بحجة التعرف على شخصيتى وعندما قلنا له تامرنا باى شىء اخر نفعله قال لا كله يمشى ما عدا انت فعندما سالته عن السبب قال لى انت مكتوب فيك مذكرة ولازم يتم معاك التحقيق هتفضل معنا هنا لبكرة فى الحظة دى مكنتش اعرف اى حاجة او فيه ايه او من اللى كاتب فيه مذكرة واستبعدت كفيلى الاول لثقتى فيه وعلاقتى الطيبة معه وهو على دراية باتفاقى معاه وميعادى معاه وهو كان اليوم الثانى لوجودى فى الترحيلات على انى انهى معاه كل شىء فا صبحت لا ادرى ما ذا يدور حولى فطلبت من الضابط بان يجعل اقامتى معه ويسمح لى بان اذهب الى زوجتى واولادى الزين لا يعرفون عنى شىء فقولت للضابط انا بستاذنك امشى واعرف زوجتى واولادى مكانى واهيىء لهم امر معيشتهم واكلم كفيلى يكون معاية بكره وخلى معاك الاقامة بتاعتى وانا هحضر عندك فى الصباح فى الوقت اللى حضرتك تحدده رفض الضابط وصصم واسر بان يضعنى فى السجن وحاول معه الكفيل الجديد مرات وعلى مسؤليته رفض الضابط رفض نهائى ومكنش عنده استعداد لسماع اى كلام ولا لفعل اى موقف انسانى غير انه يلبى طلب زميله الضابط اخو كفيلى الاول ووضعى فى السجن سلمت امرى لله وحده وقولت يارب انت اعلم بما انا فيه وانت يا رب اعلم بما افعله من رزق حلال حلا ل احسن به دخلى انا مش سارق ولا قاتل ولا بتجار فى مخدرات ولا ارهابى وسلمت امرى اللى الله سبحانه وتعالى وبعد مرور يومين يعلم الله كيف مرو عليه وانا تارك زوجتى واولادى لا يعرفون عنى شىء غير البكاء فى غربة جائنى صديق لى زيارة ومعه ضابط شرطة وسطة وقال لى عندك امسك نفسك ولا تضعف زوجتك واولادك مع زوجتى واولادى وانا عايش مع اصدقاء عزاب ومن حين لاخر بقضى لهم طلبتهم واطمئن وسلمها لله قولت ونعم بالله قالوا لى عندك خيارين هو انت تعترف وتخرج لزوجتك واولادك من غير بهدلة بس فى اللحظة دى الكفيل الجديد اللى انت شغال باسمه هو اللى هينال عقابه بالسجن 6 شهور ودفع مبلغ 150 الف ريال وفكر براحتك عشان احتمال بكرة يتم معاك تحقيق قولت لهم اللى فيه الخير ربنا يسهله وبدات افكر فى الامر وقولت لنفسى ذنبه ايه الراجل دة انه يسجن ويدفع 150 الف حرام انى اظلم غيرى لمصلحة نفسى لا تربيتى ولا دينى يسمح بكدة وقررت فى التحقيق ان انكر ما ينسب اليه مع انى عارف ما هيجرى لى وبدات ارد على المحقق بكلمات كذب يعلم الله ما كنت عارف انا بقول ايه كنت بكدب وخلاص وفى الاخر المحقق نفسه الله يكرمه اتعصب عليه وقال لى يا ابنى حرام عليك نفسك واولادك انت مش عاوز تخرج لهم المهم اعاننى الله وصممت على كلامى قال المحقق يا ابنى انت تعبتنى خلص عشان تخرج انت خايف من ايه انت مش سارق ولا فاعل اى شىء مخل الهم انت بتحسن دخلك بالحلال على العموم مش عاوز تعترف تحمل ما يجرى لك امر العسكرى بوضع الحديد فى ايدى وفى ارجلى ونزلت الى السجن وقضيت فى السجن 22 يوم اسوء ايام عشتها فى حياتى والكفيل الاول لما ذهبور له بعض الناس الطيبين اللى يعرفنى واللى يسمع قصتى بان يعفوا عنى رفض لدرجة بان شخص سعودى لا يعرفنى بس سمع قصتى من الموجودين ذهب له وعرض عليه 40 الف ريال من جيبه الخاص لمجرد خروجى ونقل كفالتى عليه رفضى وتركنى فى السجن وسافر هو الى الصين ومن شدة احساسى بالظلم وسوء المعاملة داخل السجن الزى لا اعرفه الا فى التليفزيون ولا عمرى كنت حتى دخلت قسم شرطة جائتنى حمة لمدة 15 يوم ومرضت ونزفت دم وكنت محتاج لاجراء عملية جراحية وطلبت من المسؤلين بالسجن عرضى على الدكتور لاجراء عملية البواسير تم الرفض واعطونى بعض الحبوب التى لا فائدة لها واهلى فى مصر اتصالاتى التى كنت اجريها كل يوم ويوم انقطعت ولا يدرى بما جرى لى الا اخى الصغير الزى كان يبكى كل يوم وكدب على ابويه واهلى وفهمهم انى بكلمه على المحمول وبدا يعرف اخبارى عن طريق الاتصال التليفونى مع بعض اصدقائى فى الرياض وكل يوم يقول له ان شاء الله هيخرج بكرة الى انقضيت 22 يوم وقبل انتهاءهم ذهب شيخ فاضل وامام مسجد كان قوى الشخصية الى كفيلى الاول ليعفوا عنى فى المصنع لم يجده بل وجد اخواته فقال لهم كدة حرام وان الشخص اللى فى السجن دة برىء وانه صاحب سمعة طيبة ومن عفا واصلح فاجره على الله عشان حتى زوجته واولاده اذن هو لا يضركم بشىء خروجه فرضوا فتكلم معهم الشيخ بالهجة شديدة وقال لهم عشان ما غريب وانت قادرين عليه انا هوصل امره للديوان الملكى واجيب له حقه منكم فا بدؤا بتغير لهجتهم فى الكلام واتهامى انى كنت متكاسل ومقصر فى العمل ايام ماكنت شغال معاهم عشان الشيخ يهدا وميعرفش يرد عليهم اوعشان يكون معا هم سبب لسجنى 0 لكن ربنا سبحانه وتعالى لم ينسانى رد عنى غيبتى المحاسب الخاص بالمصنع كان حاضر الحوار ونفى كلامهم امام الشيخ وقال اقسم بالله العظيم بان الشخص دة اامن وانظف مندوب فى المصنع وكان انجح مندوب وانا المحاسب بتاع المصنع وعندى فواتيره وانا بقول شهادة حق ومش هخاف من اى اجراء تاخزوا ضدى لمقابل هذة الشهادة وان السكوت عن الحق شيطان اخرص وفعلا المحاسب عشان شهد بما يرضى الله تحول الى تحقيق وتم وقف راتبه ووقف عن العمل ولكنه لا يبالى ولا يخاف الا الله واصر على كلامه وقال لهم انتم اكثر النا س علما بان الشخص دة مظلوم وانتم اخذتوا كبش فدى يعنى طبقتوا المثل اللى بيقول اضرب المربوت يخاف السايب عشان مصلحتكم الخاصة ويكون الشخص دة عبرة لغيرة فى المصنع وان مفيش اى حد يحاول يقلده خربتو بيته وقطعتوا رزقه من السعودية 0المهم وبفضل الله خرجت من السجن بضمان بطاقات شخصية لاربعة سعودين جزاهم الله خير وعندما خرجت فى نفس اليوم فى اليل جائنى وفد كبير من المصنع ليزورنى ومنهم مدير الانتاج سورى الجنسية وقبل ما يجلس بعد ما سلم علية طلب منى يعرف ايه الزى بينى وبين الاخ المصرى الزى ذهب للكفيل ليفتن علية ولما سالته لماذا قال قال بعدين اعرفك بس احكى ايه اللى بينك وبين المصرى صاحبك دة وطبعا مدير الانتاج ذكر اسمه قولت والله ليس بينى وبينه الا كل خير هوكان شغال فى الدمام وجاء الى الريا ض طالب عمل بخطاب من شركته او بتفويض وانا استضفته عندى هو وزوجته قرابة شهر اكل شارب كل متطلباته مجابة لانه ضيف عندى وسعيت له فى عمل والحمدلله وفقنا الله ووفرت له السكن بجوارى فى نفس الحى وعرفته على طرق الرياض وكل اللى ربنا قدرنى عليه من خير فعلته معه عندما سمع مدير الانتاج الكلام شتمه وقال لى بان هذا الشخص جائنا المصنع وطلب مقابلة الكفيل وانا كنت حاضر الكلام فى المكتب وحاولت بان افهم الكفيل بان دة انسان مش محترم رفض واسر على ان يسمعه وذهبنا معه وارانا ما انت فيه من خير وعندما بدا الكفيل فى كتابة مزكرة فيك زكرته بانك متفق معاه بالتراضى وان فيه ميعاد بينكم وانك لازم تشتغل عشان توفر لك ولاولادك لقمة العيش وعشان توفر له 11 الف ريال على ميعادك معاه ودة شىء طبيعى وان مفيش امامك طريق غير انك تشتغل وان الشخص المصرى جاء لفتن ويخرب البيوت وانه مش حابب الخير لا لك ولا لغيرك وان كدة هيكون حرام وظلم لانك عارف انه لازم يشتغل وفى الاخر رفض واسر على كتابة المزكرة لتكون انت كبش الفدى او بمعنى اخر عبرة لغيرك من المندوبين اذا فكر اى واحد يعمل زيك مع ان عملك التى قمت به لا يضرنا بشىء وان النشاط الزى قمت به محتلف تماما عن نشاطا هذا كل ماجرى فقولت له ربنا مش هينسانا وطبعا المبلغ 11 الف ريال اللى عندى له اصدقائى وانا داخل السجن جمعوا المبلغ واعطوا له كان عندهم امل لما يعطوا له 11 الف ريال انه هيخرجنى من السجن ولكن اخذهم ولم يفعل شىء وثانى يوم خروجى من السجن ذهبت الى المصنع الى كفيلى الاول الزى سجننى لكى اساله سؤال واحد فقط وهو لماذا وضعتنى فى السجن وظلمتنى 0 فكان رده علية انا مظلمتكش اللى ظلمك الدولة مش انا قولت له اللى فات فات انا رضيت بنصيبى انت اخذت فلوسك ممكن تعطينى جواز سفرى وخطاب نقل كفالة رفض وقال لى لا لازم تروح نهائى فقولت له انا كل شىء خسرته ومديون للناس فى فلوس سيبنى اشتغل واعطينى نقل كفالة رفض قولت له الارزاق بالله طيب اعطينى اى شىء امشى به لحين لما ادبر حالى واستعد للسفر عشان الشرطة لا معى اقامة ولا شىء اعطينى حتى خطاب امشى به رفض قولت لفظ واحد انت عشان سعودى وانا غريب بتتحكم فى خلق الله بس انا عاوز افكرك بان الظلم ظلمات يوم القيامة ومشيت ودبرت امورى طبعا لما خرجت من السجن كل شىء جمعته راح حسرت كل شىء حجزت تزاكار السفر وذهبت لاحضر الجواز بعد ما تم فيه التخريج نهائى رفض يعطينى الجواز وقال لى بان مندوب من عندنا سوف يقابلك فى المطار وذهبت الى المطار وفى انتظار جوازى لم يحضر الا بعد اقلاع الطائرة وكانوا اهلى فى مصر عندهم خبر بسفرى واستاجروا سيارة وذهبوا بها الى المطار لاستقبالى حضر المندوب بالجواز بعد اقلاع الطائرة قمت بالاتصال باهلى وهم فى مطار القاهرة من المنصورة واعتذرت لهم وان الطائرة فاتتنى وان شاء الله الرحلة القادمة يوم الثلا ثاء انتظرونا وجاء يوم الثلا ثاء وذهبنا الى المطار فى الرياض وتم وزن اغراضنا ودخلت الاغراض الى الطائرة ودخلنا لكى نختم الجوازات ختم الخروج قال الضابط فى المطار انت لم تجدد اخر ايا م الزيارة لزوجتك قولت له احنا ماشين نهائى ولو فيه اى فلوس ممكن ندفعها هنا فى جوازات المطار الله يجزيك خير عشان دى تانى مرة نحضر الى المطار ونرجع والاهل فى مصر الان فى طريقهم الى المطار فى القاهرة واغراضنا دخلت الطائرة رفض بعد عدة محاولا ت ترجى منى ومن الاخوة المودعين لنا وبات اجرى الى صالة الوصول لاحضار اغراضنا مرة اخرى ورجعنا واتصلت باهلى فى مصر مرة اخرة لكى اعتزر لهم واصبحت مشكلة وقولت لهم ان شاء الله الرحلة القادمة يوم الخميس على نفس الطائرة الامريكية ورجعنا واصبحنا يوم الاربعاء ذهبت الى الترحيلات فى حى عليشة لادفع مبلغ تجديد الايام الاخيرة فى زيارة الزوجة وقابلت الاخ الضابط اخو الكفيل الاول الزى سجننى 0 فاصفحنى واخذنى بالاحضان وقال لى سا محنى احنا ظلمناك بس انا مش بايدى حاجة انت عارف انه اخويه الكبير ومقدرش اقول له لا سامحنى وانا هنزل مصر عن قريب ااخذفرقة واوزيارة عمل امسكنى عندك واسجنى قولت له لا انت تنزل ضيف على رؤسنا وبيوتنا مفتوحة وعنوانى معاك وانا مسامح وربنا ان شاء الله مش هينسنا وهيعوضنا خير ان شاء الله وجاء الخميس وتم الاقلاع ووصلنا الى اهلينا بخير والحمد لله مع بداية واستقرار لم نعمل له حساب والحمد لله على كل شىء وربنا يجعله لنا فى ميزان حسناتنا ونطلب من الله عز وجل بان يشفينا ويشفى مرضى المسلمين ويحسن خاتمتنا علما بان لى ذكرى وهو بان قد اجرى معى حديث صحفى فى مجلة اليقظة السعودية بتاريخ 4 -10 -1998 الصفحة 23 العدد 1540 حديث طويل مع الصورة

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 1433