الى الأستاذ المحترم / محمود سعد تحية طيبة لك ولكل مقدمي برنامج البيت بيتك عايز اقول لحضرتك أرجوك الحقنا أرجوك احنا ضايعين وهنضيع زيادة انا هدخل في المشكلة ... والموضوع هو نقابة المهندسين والحراسة المفروضة عليها لمدة 15 سنة واللي سببت ضياع ميزانية النقابة يعني اهدار للمال العام وذلك بسبب الحارس القضائي ... يعني المخالفات المالية فى مشروع إسكان المهندسين بمدينة العاشر من رمضان، ومشروع دواجن كفر ربيع بمحافظة المنوفية وكذلك ارض القرية اللي ضاعت من النقابة في الساحل الشمالي بسبب عدم تسديد الاقساط ... معاش المهندس المصري 250 جنيه ... يعني 2.5 كيلو لحمة .... هيعمل بيهم ايه في 30 يوم ؟؟؟ طبعاً المهندسين المصريين رفعو قضية على الحراس القضائيين بسبب أهدار 1.5 مليار جنيه على مدى 15 سنة .... والمحكمة عزلت واحد من الحراس القضائيين واللي اسمه الدكتور محمد بركة وقضت باجراء انتخابات لتعيين مجلس الادارة الجديد طبعا الحكومة رفضت الموضوع ده وأنا بقصد بالتحديد رئيس الوزراء د/ أحمد نظيف وأمر باسناد أمر تعيين مجلس مؤقت جديد لمدة سنتين لوزير الري يعني الحراسة هتستمر لكن بمسمى آخر واللي هوه المجلس المؤقت اللي هيتم بالتعيين وليس الانتخاب أنا مش عارف في اهانة أكبر من كده للمواطن المصري أكتر من تجاهل وعدم تنفيذ حكم القضاء المصري .... كل مطالبنا كمهندسين انه يتم عمل مجلس ادارة النقابة الجديد بالانتخاب وليس التعيين سواء كان مؤقت أو غير مؤقت أهم حاجة يتم بالانتخاب أنا سمعت ان المهندسين هيعملو وقفة احتجاجية 2/5/2010يوم أمام مجلس الشعب بس افتكر انه مافيش منه اي فائده طالما الحكومة مش عايزه تدينا حقنا وعذرا على الاطالة وشكرا