طفى عنده عامين ومصاب بسرطان الدم (ارجوا المساعدة )

طفى عنده عامين ومصاب بسرطان الدم (ارجوا المساعدة )

الإسم :
الدولة : مصر
الإيميل :
التليفون :

تاريخ إرسال الشكوي :
Monday 3rd of March 2008 05:55:14 PM
الموضوع :
بعد التحية\\ ارسل اليكم همى الكبير الذين لا تتحمله الجبال وليس الانسان مرض طفلى الصغير والذى يملك من العمر عامين فذهبنا به الى الطبيب فقال عنده التهاب فى اللوز ووصف لنا فى العلاج حقن مضاد حيوى اسبوع ولم يتحسن طفلى ... فذهبت به الى طبيب آخر فقال لى ابنك عنده تضخم فى الكبد والطحال ولازم يدخل المستشفى بالفعل ذهبنا الى مستشفى الاطفال بالمنصورة ... وفوجئت فى المستشفى يقولون ان القسم المجانى مكتمل ولا يوجد غير القسم الفندقى طبعا دخلت القسم الفندقى واقمنا فيه لمدة اسبوعين تقريبا صرفنا فيها حوالى 5000 جنيه طبعا كتير على صحيح باكل وبشرب وبلبس كويس بس المبلغ كبير على المهم بعد الاسبوعين كتبوا لنا على خروج وقالوا ابنك تمام والحمد لله المهم روحنا ويومين والطفل تعب تانى .. رحت لطبيب اخر لان الطبيب الى كان دخلنا المستشفى فى مؤتمر طبى الطبيب طلب مننا تحاليل تانية قلنا للدكتور كل التحاليل دى عاملنها قريب جدا فاصر على التحاليل الجديدة المهم عملنا تحاليل تانية قال ابنكم عنده سرطان الدم ولازم يدخل المستشفى علشان يبدأ العلاج الكيماوى .. قلنا والتحاليل القديمة مفيش كام يوم ازاى تتغير قال لازم ابنكم يدخل المستشفى المهم دخلت مشتشفى الاورام بالمنصورة اول يوم : انتظار الاطباء مفيش ( من الصبح لاحد الساعة للعصر لما كلمنا الطبيب الموجود قلنا له على الحالة واحنا عاوزين تنأكد قبل ما طفلى ياخد علاج كيماوى العملية دى كانت زى الصاعقة علينا انا وامه وهو الوحيد .. المهم قال الكيماوى الاول وبعدين نعمل تحاليل جديدة قلت للدكتور طيب اطلع من المشتشفى اعمله التحاليل بره فى معمل ثالث وبعدين نتأكد قالى لو خرجت من المستشفى مش هتدخلها تانى المهم دا اليوم الاول اليوم التانى : الطفل حرارته ارتفعت طلبت امه من الممرضة قطن علشان تعمل له كمادات قالت الممرضة مفيش قطن ... تخيل مستشفى تعالج مرض زى ده ومفيش فيها قطن ...انا كاب اعمل ايه المهم قلت لهم انا هطلع ابنى من المستشفى قالوا وقع على انك رفضت العلاج ومش هتدخل المستشفى تانى وقعت على الاقرار ومشيت من المستشفى دى . ذهب الى مستشفى 57357 الجديدة بالقاهرة وبالفعل وفقت بحمد لله فى دخولها حسيت انها مستشفى بتعامل مع ادمين طقم هايل سواء اطباء او ممرضين او افراد امن جزاهم الله كل خير عملوا تحاليل جديدة وبالفعل ثبت ابنى انه عنده المرض ده للاسف وبدا العلاج الكيماوى بس والمشكلة الكبير الى انا فيها ان ابنى الان محتاج لزرع نخاع وطبعا لان ابنى ملوش اخوة اشقاء فلازم تتعمل العملية دى بره وتكاليفه بالنسبة لى خيالية فهل من مساعدة لطفلى المريض اسال الله العلى العظيم ان يجعل فيكم الخير وتحاولوا علاج طفلى الوحيد ارجوكم ساعدونى وجزاكم الله خيرا

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 798