السلام عليكم ورحمة الله وبركاته انا بنت يتيمة من دار رعاية الطفل تبنتني اسرة والحمد لله احسنو في تربيتي وقد تم التبني مند ان كان عمري اشهر درست في الجامعة وتعرفت علي شاب وقد تقدم لخطبتي فورا وانا الان متزوجة ومشكلتي انا وزوجي ان امه تملك بيتا في الجرابة وابوه متوفي وامه صغيرة في العمر والمنزل باسمها وانا اسكن في اخر دور في الرابع وهي لم توافق او لم تكن راضية كفاية علي زواجنا مع اني فعلت المستحيل لكسبها هي وبنتها ولا جدوي للاسف وقد نصحوني الكتير من الناس كي لا ارتبط بابنها لانها انسانة جبارة لكن زوجي يعاملني اكويس مع انها احيانا تملي له قلبه من ناحيتي وصلت بها الدرجة انها طردتني من بيتي بسبب كلمة عزوزتي في الليل وانا قلتها من غير قصد يعني احنا عارفين مجتمعنا في هالمصطلحات انا نشكر فيها فقلت لمرت خوها وكانت الدوة قدامها ان عزوزتي اكويسة دارتلي مشكلة ولزتني هي وزوجي من حوشها الساعة12 في الليل وانا امي وبابا الي اتبنوني اتوفو وما عنديش حد الا ربي ولانها هي عارفة ان جناحي مكسور دارت هكي وبعد ما ارجعت اقعدت عند الجيران يومين ابدت دائما تتجسس اعلينا هي وبنتها وايضايقو فيا حتي ايصير سوء تفاهم بيني وبين زوجي تطلع في الدروج تسمع وتقعد اتزيد فيه اعليا انا ما نقدرش انرد اعليها نحترم فيها علي عيون زوجي لكن هي تتمادي وتوا اخدت جزء من بيتي تبي اتاجره يا بتجي بتسكن فيه هي يعني اتملل فيا قاعدة وتوا حتي زوجي مل من هالمشاكل انا نبي انحول لكن للاسف زوجي لا يقدر علي ايجار واحنا حتي سيارة ما عندناش وهي كل شي باسمها ودارت لبنتها سيارة ولولدها لا ما تبيش ربي يهديها وخلاص رجاء انا تعبانة الي يعرف حد كيف انحصل حوش لاني بنت الدولة وانا متبهدلة ما يعلم بحالي الا ربي رجاء نبي نوصل لحد ايساعدني في مشكلتي وزوجي حيشهد امعاي الرابع