أنا خايفة أكره رمضان عفواً لاتستغربوا العنوان أكيد كلنا حاسين بالتخريب الحاصل لعقولنا ولمعتقداتنا رمضان في العقيدة شهر الخير والبركة والمغفرة والأستغفار بنقول فيه للكافر والعاصى اهتدى وربنا فاتح بابه دايماً.... اذكر الله وعود لضميرك واضبط أدائك ولعلك تتعود على ذلك طوال العام رمضان فرصة للصمت والتأمل وأعترافنا بأخطائنا لنتيقن انها أخطاء فرصة طيبة لحب الخير وتصفية الحسابات مع النفس والغير ربنا سبحانه وتعالى غفور وصبور على عباده واحنا للأسف اصبحنا لانرىولا نسمع ولا نفهم. ايه اللى بيحصل ده في القنوات الفضائية فمنذ عدة سنوات تتسابق اغلب القنوات على عرض كل ما هو فاحش ودخيل اصبح شهر فيه استعراض غير مسبوق لسيرة الراقصات الفاتنات والعاريات اللى فاكرين نفسهم ملكات جمال الكون اللى أوحش واحدة في ريف بلدنا أحلى منهم وفي أستعراض سخيف لما يتقاضونه من ملايين الجنيهات وعلى الجانب الآخر الموظف البسيط اللي حامل هم أزاى يجيب رغيف العيش ويا يترى هيكمل الشهر بالستر ولا هيمد ايده ،بدلنا رمضان من عبادة إلى لهو وتسلية فاسدة اصبح مرتع للكلام الجارح عن الجنس وغشاء البكارة الصينى والقبلة اللى تخدم الموضوع وحتى من كانوا اصحاب فكر ومبادئ من الصحافيين وانتم طبعاً عارفينهم انبهروا بالأضواء والشهرة وتاهوا في الزحمة وتحول كلامهم من الكلام الرصين والنقد البناء إلى لهو وقبح .... بالله عليكم كيف تستعيدوا مصداقيتكم وكم من الوقت تحتاجون وانا أتسأل لمصلحة مين ده. أيه يا مصرى حقبقي مفيش قيود تشكمك عجبى... أنا نويت اتكلم د/ نور جلال عبد الحميد جامعة عين شمس 35645050