مأساه اسره بسبب التعليم

مأساه اسره بسبب التعليم

الإسم :
الدولة : مصر
الإيميل :
التليفون :

تاريخ إرسال الشكوي :
Monday 13th of September 2010 09:05:22 AM
الموضوع :
مشكلتنا تتخلص فيا انا واخويا بسبب التعليم .. انا هبدأ بنفسى الاول انا طالبه فى كليه تربيه جامعه عين شمس ومنتقله للفرقه التانيه ومشكلتى ان انا نجحت فى الثانويه العامه بمجموع 92% وروحت اقدم بعد التنسيق فى جامعه اسكندريه لان احنا اسكندرانيه اصلا وكان لازم اقدم فى اسكندريه علشان والدتى تعبت جدا جدا ورحنا بيها للدكاتره ونصحوها بانها ترجع تعيش تانى فى اسكندريه علشان راحتها النفسيه بتأثر عليها جامد وبعدين روحت اقدر فى جامعه اسكندريه قالولى لازم الاول تقضى سنه فى جامعه عين شمس وبعدين لما انجح احول جامعه اسكندريه وانا الحمد لله نجحت فى سنه اولى وبتقدير جيد وبعدين روحت جامعه اسكندريه مش راضيين يحولونى وروحت سألت جامعه اسكندريهفى شئون الطلاب قالولى لازم حاجه من اتنين تحصل ان شغل والدى يرجع تانى اسكندريه وده مش هينفع والدى شغال فى منظمه الصحه العالميه وهى اصلا كانت فى اسكندريه واتنقلت القاهره فى مدينه نصر ومش هينفع ترجع تانى وقالولى الحل التانى ان اتجوز واعيش فى اسكندريه وانا عندى 19 سنه يعنى علشان احول لبلدى لازم اتجوز ازاى يعنى ...؟ يعنى تعليمى يوقف علشان لازم اتجوز وغير ده كله والدتى المريضه من هيفضل معاها يرعاها وانا اكبر اخواتى وانا اعمل ايه دلوقتى والدتى تعبانه جدا واختى الصغير خلاص حولت وانا اكبر اخواتى وينفعش اقعد فى القاهره لوحدى وانا عندى ما يثبت ان انا من اسكندريه عندى عقد شقه ووصل النور والمياه ومش راضيين ومش عارفه اعمل ايه ...والمشكله التانيه فى اخويا محمد هو طالب فى 3 اعدادى ونجح بمجموع 286.5 فى الاعداديه وبعدين روحنا نقدم فى مدرسه محرم بيه الثانويه الصناعى العسكريه قالونا الاول لازم نقدم فى القاهره وبعدين نحول وبالفعل روحنا قدمنا فى مدرسه جلال فهمى فى الميعاد القانونى فى وقت التنسيق وبعدين فى مدرسه جلال فهمى قالونا اننا مش هينفع نسحب الملف غير بعد ما ندفع المصاريف المدرسه وفضلنا مستنيين المرحله التانيه لغايه ما خلصت وبعد كده قبل ما نسحب الملف روحنا لمدير مدرسه محرم بيه قالنا عايز ما يثبت اننا عايشيين فى اسكندريه واننا اسكندرانيه اصلا ووافق خلاص وقالنا تعالوا بعد العيد علشان الورق يكمل وروحنا بعد العيد وبعد ما سحبنا الملف مدير مدرسه محرم بيه قالنا مش راضى يأخذ مننا الملف واحنا خلاص مش هينفع نرجع تانى لمدرسه جلال فهمى فى القاهره تانى واحنا سحبنا الملف بناء على كلامه طلب مننا جواب تحويل بس مدرسه جلال فهمى مش بتعمل جواب تحويل لطلاب سنه اولى ومدرسه محرم بيه مصممه على جواب التحويل وعلى الرغم انا اختى الصغير حولناها خلاص فى مدرسه السيده عائشه الخاصه واحنا دلوقتى هنعمل ايه والدراسه قربت ومش هينفع نرجع القاهره تانى لان لو رجعت والدتى هتضيع مننالانها بتتعب جدا هناك

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 877