السلام عليكم و رحمة الله و بركاته محدش يستغرب من العنوان انا ارتكبت جريمه فعلا و مش عارف اتصرف ازاي جريمتي هي ان ربنا خلقني مريض و معاق الدوله ( مصر ام الدنيا ) و الحكومه و الناس بيعاقبوني لا مش بيعاقبوني بس ده بيعذبوني كمان و انا خلاص تعبت جدا و مش لاقي حل و مش عارف اعيش و مش عارف انام ارجوكم ساعدوني خلاصة المشكله اني مريض بمرض مزمن اسمه ضمور في عضلات الجسم كله ووزارة التنميه الاداريه عينتني ضمن 5% سنة 2003 و المرض بيزيد و حالتي بتتدهور يوم بعد يوم و التامين الصحي رافض انه يديني اجازه و سبب الرفض اني متعين بالحاله دي هي دي نقطة الخلاف بيعاملوني زي اللي عنده مثلا شلل الاطفال ( مرض ثابت لا يتدهور ) و الدكاتره و التحاليل بتقول ان المرض بتاعي بيتدهور و التامين الصحي بيرفض برضو الاجازه ياريت الاقي حد يقدر يساعدني انا في اشد الحاجه للمرتب اللي هو 350 جنيه لان مفيش ليا دخل تاني ولا اقدر اشتغل ولا قادر اتحرك من البيت و اروح شغلي انا وحيد والدي المسن و متزوج و معايا طفلين ارجوكم ساعدوني