اولا : انا اسمى احمد ابراهيم عبد الماجد ابراهيم حاصل على بكالوريوس تجاره شعبه محاسبه بتقدير مقبول اعمل عتال لدى مقاول نقل ولكن المسمى الوظيفى مشرف نقل والدى يعمل فى شركه الحديد والصلب منذ عام 1979 وحصلت حادثه لوالدى فى التسعينات فى الشركه اثناء تاديت عمله وحصل على نسبة عجز اكثر من 20% وانا ابنه الوحيد. ومعلومه والدى لايحب اى نوع من المشاكل ومن النوع اللى بيمشى جوه الحيط مش جنب الحيط وخايف ليتكلم احسن يتاذى ... ثانيا : تقدمة فى المسابقه المقدمه من وزاره الاستثمار والشركه القابضه للعمل بشركه الحديد والصلب وعند السؤال عن عدم تعيينى قالو انه تم اخذ تقدير جيد وما فوق مع العلم انه تم تعيين ناس غيرى حاصله على تقدير مقبول والله العظيم فيه ناس اشتغلت حاصله على تقدير مقبول وناس تانيه حاصله على تقدير جيد جدا لم يتم اختيارها ومعايا اسماء ناس منهم وعند السؤال فى شئون العاملين قال احد الموظفين عاوز تشتغل فى الشركه هات تأشيره من وزير الاستثمار وبالفعل ذهبت الى الوزاره وتم حصولى على تأشيره من السيد الوزير وكمان تأشيره من الشركه القابضه للصناعات المعدنيه تفيد تعينى بالشركه وتم ارسال التأشيرات الى الشركه وتم تحويل التأشيرات الى الاستاذ ( سامى المتناوى ) بعد ان تم التاشير عليها من قبل السيد رئيس مجلس اداره شركه الحديد والصلب باتخاذ اللازم وذهبت الى السيد الاستاذ سامى المتناوى وقالى التاشيره دى ملهاش اى لازمه عندى ولما هنحتجلك هنبعتلك ومفيش اماكن عندنا عشان نشغلك الكلام ده كله كان فى شهر 4 الماضى وبعدها تم تعيين ناس كتير اوى بعدى بس دول قرايب وحبايب الاستاذ سامى والاستاذ رئيس النقابه العماليه بالشركه واحنا ولاد كلب مينفعش حد يبصلنا وذهب والدى الى الاستاذ سامى اكثر من 100 مره وقدم طلبات الى السيد رئيس مجلس الاداره اكثر من 20 طلب ولكن كل الطلبات بتترمى فى الزباله وحاول والدى الدخول لمقابلت السيد رئيس مجلس الاداره ولكن الامن رفض وتعرض والدى للسب من افراد الامن وكأن والدى هيموته والله لو والدى عاوز يقابل رئيس الجمهوريه كان هيلاقى مقابله احسن من كده وبعده ذهب والدى الى احد اقارب الاستاذ سامى المتناوى لكى يتوسط عن الاستاذ سامى ويوافق حضرته على تعينى وذهب مره واتنين وعشره ولكن دون جدوى لحد مراح عن الاستاذ سامى تانى ورد عليه الاستاذ سامى وقاله اان معنديش شغل لابنك وما بشغلش حد واعمل اللى عاوز تعمله ومترحش تشتكينى لقريبى تانى مع العلم ان فى الشهر الجارى تم تعين ناس تانى ومنهم ابناء زمايل والدى وده اللى اثر على والدى وتعب منه ولكن سلمنا امرنا لله ( ومعايا اسماء الناس دى ) وعرفنا كمان ان فى تجاوزات فى التعين اولا المفروض ان يكون التعين قاصر على ابناء العاملين ولكن والله اللى تم تعينهم 90% منهم مش من ابناء العاملين ثانيا وكمان فيه ناس سنه 38 سنه اتعينة وطبعا الناس دى قرايب رئيس مجلس الاداره وكمان منهم اخوه وثالثا والله العظيم فيه واحد مش معاه موقفه من الجيش وتم تعينه ازاى معرفش دى بقه شغل الاستاذ سامى ورابعا فيه ناس معاها تخصصات ملهاش علاقه بالشركه خالص مثل ليسانس اداب ويكالوريوس تربيه وزراعه ومعاهد والمفروض ان دى شركه صناعيه يعنى عاوزه خريج هندسه علوم تجاره ودبلومات صنايع مسكتش ورحت الوزاره تانى والشركه القابضه وقالولى ان كل الاسماء اللى الوزير بعتها اشتغلت اشمعنى انت وكتبولى طلب تانى بتاكيد تعينى ولاكن يبقه الوضع والبهدله كما هى لان فى الاخر هى دى مصر